जवा म्या लाहान व्हतो..1

जवा म्या लाहान व्हतो
दिसालेबी छान व्हतो
अन् खेळासाठी ईकडं तीकडं
मोकाट समदं रान व्हतं
आता तसं कूठं काय
वेळेमंदी बांधले पाय
काम डोक्यावर घेवून
रान रान फिरत रायतो

लाहान लाहान गोश्टिसाठी डोयामंदी आसवं व्हती
हासवासाठी मले खेळन्यायची रास व्हती
डोयामंदलं पानी आता
गेलं कोठं ईचार् करतो
पन आठवून समदं
आता थोडा थोडा हासून पायतो

चढत व्हतो झाडायवर्
धावत व्हतो पाखरायमांगं
कागदाचे बनवत व्हतो डोंगे
अन् नाचत व्हतो पावसाच्या सरिसंगं
आता आडोसा घेवून कायचा तरी
पावसापासून लपून रायतो
बालकनितून फलाटाच्या
पाऊस जाची वाट पायतो

आता जरी माया जवळ
समदं काही आलं
तरी नाय येनार , तवाची वेळ
अन् तवाचे ते खेळ
ते समदं आता म्या
आठवनीतच पायतो!