वेडे स्वप्न

चंदेरी ह्या राती..
मी गजरा तुजसाठी आणावा..
ओंजळीत हलकेच घेऊन
तू मनसोक्त हुंगावा...

तुझा सुगंधी चेहरा..
मी वेड्यासारखा पाहत राहावा..
अन तो गजरा मीच माळावा
म्हणून तू हट्ट धरावा..

तुझ्या निळ्याभोर डोळ्यांत
मी आता बुडूनी जावे..
श्वासात श्वास-गंधात गंध..
दोघानीही एकरूप व्हावे..

तू पसरुनी करकमल
मजला मिठीत घ्यावे..
तुझ्या ओठांच्या लालीने
माझे ओठ लाल व्हावे..

टिपूर चांदण्यात
दोघानीही नाहावे...
वेडे स्वप्न हे माझे..
कधी पूर्ण व्हावे?..

महेश