झाले...माझ्या पहिल्या-वहिल्या प्रेयसीचे रोजी लग्न झाले...
आज तिने मला बर्याच दिवसांनी फोन केला आणि हि सुखद(?) बातमी दिली. अंदमान-निकोबारला हनिमूनला जाऊन आले...मग जोडीने देवदर्शन जेजुरीला वगैरे वगैरे...
बराच वेळ खूप खूप बोललो...मग अचानक दोघेही शांत झालो...ती म्हणाली,
"तू अजून माझ्यावर प्रेम करतोस?"
मी गप्प.
"मला विसरू शकशील का?"
मी गप्प.
मग पुन्हा शांतता...
मग मीच म्हणालो(विषय बदलत)
"मला का बोलावले नाहीस लग्नाला?"
"तू समोर असताना दुसऱ्या कुणाच्या गळ्यात हार घालणे मला शक्य झाले नसते..." ती. (अश्रूंमध्ये भिजून आवाज थोडा नरम झाला असावा..)
पुन्हा शांतता...
"किती तारखेला आणि कोठे होते लग्न?" मी.
"१२ फेब्रुवारीला, पुण्यात!" ती.
आणि निव्वळ योगायोग...मी १२ तारखेला पुण्यातच होतो. पण मी तिला हे सांगितले नाही!
No comments:
Post a Comment