रूम पार्टनर

मला खूप दिवसापासू वाटत होते, मला एखादा छान रूम पार्टनर असावा...पण मिळाला नाही..मग मी एक मांजर पाळली. मस्त होती..मनुष्याजातीपेक्षा प्रेमळ आणि विश्वासू होती. नंतर ती वयात आल्यामुळे आणि तिला तिचे आयुष्य जगता यावे म्हणून तिला गावी नेऊन सोडले आणि बोललो..."जा...जी ले अपनी जिंदगी..."
आता अज्जून एक पार्टनर शोधत होतो तीव्रतेने....आणि विशेष, परवा रात्री २ च्या सुमारास एक मोठा झुरळ माझ्या अंगावर खेळताना मी पहिला...कुठून आला काही माहिती नाही....झुरळ रूम मध्ये शिरण्याचा कसलाच चान्स नाही...तरीपण तो आला...उठून लाईट सुरु करून चप्पल हातात घेतली ....त्याला मारण्यासाठी...मग क्षणभर विचार केला....आणि चप्पल टाकून दिली आणि त्याला हातात घेतले...तो घाबरून माझ्या तळहातावर बसला. मग मी त्याला सोडून दिले...२ दिवस झाले, तो दिवसा गायब असतो...रात्री मात्र न चुकता येतो...अन एक चक्कर टाकून जातो...मेरा नया पार्टनर...त्याचे नाव क्रोकी ठेवले आहे मी....