दुष्काळ

पाय अनवाणी, पावले झपाझप
पोट खापाडीला, कष्ट वारेमाप!

हातात इकण, वार धरणीच्या पोटी
फुटतो दगड, कवा लागल पाझर?

भयान उन, लाही लाही जीव
अंगार झळया, कोण करीतं कीव!

उटली वावटळ, उडाला पाचूळा
घामेजल्या कमरत, ढसला पिसुळा!

उडाली पाटी, बाळ उघडा गोजिरा
खाट धरणीची, वर आसमंत सारा!

तान्हुला जीव, फोडी कर्कस बरडा
माय धावुनी येई, घेई मुका कोरडा!

रखरख उन्हामंदी तिचा आटला पान्हा...
फाटक्या पदराखाली जीव रडतो तान्हा!

गरीबाच्या जीवाला, भोग किती पच्चास!
कवा फिटल हे पाप, काय देवाजीच्या मनात?

महेश.