भगदाड

कामांध नजरेला
वासनेचा वास येथे..
बरबटलेल्या वासनेला
नग्णतेची  साथ येथे...

धर्माच्या जोडीला
वेगळीच एक जात येथे..
जातीच्या राजकारणात...
कुणाचा हात येथे?

स्वत:च्या फायद्यासाठी...
डोळ्यांत फेकती धूळ येथे...
धुळीच्या धूसर दृष्टीत
भ्रष्टचाराचे खोल मूळ येथे.

दोन वेळचे खायला
जनता मोताट येथे...
मड्याच्या टाळूचे लोणी खाया..
कुत्रे किती मोकाट येथे...

कायदे झाले सैल..
गुंडगिरी मात्र सक्त येथे..
अन गल्लीबोळातून हल्ली..
वाहते सैराट किती रक्त येथे..

बुवाबाजीच्या नावाखाली
राजरोज चाले सट्टा येथे..
आंधळ्या भक्तांची आंधळी श्रद्धा..
अन देवाच्या नावाला बट्टा येथे...

करुनी सहन इतके...
तरीही मन मुर्दाड येथे...
पांडुरंगा, धाव आता...
पडले मोठे भगदाड येथे...
महेश.